الايامات هذي كثرت حبوب الهلوسة من عند الحكومة ،كل يوم حريبشة جديدة :هاو انفلات أمني ،هاو فرار مساجين هاو القاعدة الحاصل الشعب ما عاد فاهم شي ومع عادش مركز مع إلي قاعد يصير برسمي على الساحة السياسية.وتوا بدات تظهر النية المبيتة من هالفيلموات الهوليوودية الكل،هام طلعولنا بطلعة تأجيل الانتخابات بتعلات تقنية واهية ،قالك الهيئة ماتنجمش تعمل الانتخابات في الوقت الضيق ألي مازال ،هو كي تجي تشوف عندها ألحق على خاطر الحكومة عملت مجهودات جبارة بش تأجل الانتخابات ومانجمش نلومها على خاطر الكرسي حلو وكيف تتوفرلها فرصة بش تزيد تقعد فيه 5 شهر أخرى تعمل المستحيل .خلي نحكيو شوية على الانتخابات إلي داخلة في حيط برسمي (الشعب التونسي يموت عليها هالكلمة).واحد يقول بش توخر وواحد يقول لا للتأجيل،حوس تفهم حصيلوا يلعبوا بنا كل دقيقة قرار (فالاخر بش تلحم البونية هه) ،ظاهرلي كان مشينا عملنا إنتخابات في لامبدوزا خير على القليلة مافيهاش تجمع وديناصورات. باهي توا نجيو للمصيبة الكبيرة: ڤمة الثمانية (عفوا نقصد قمة الثمانية) إلي من خلالها الوزير الأول الموقر بش يبيع لبلاد ،إي نعم بش يبيع تراب تونس بقيمة 25 مليار ،إي علاش لا هاذيكة الحاجة الوحيدة إلي مازال مابعنهاش،بعدى بعنا ذمتنا ووطنيتنا و دمنا ،شقعد؟؟ طرف تراب برى كمل بيعوا فماش مايجبلنا سوم باهي،الدنيا والفلوس. أنا إلي قلقني في هذا الكل إنو سي الباجي مظربش ظربتو،كان ينجم يجيب أكثر من هكاكة ببرشة خاصة وإنو قال إلي لفلوس هذي لازمة للإقتصاد (معناها الشعب الكل يقعد و يرتاح حتى واحد معاد يخدم هاو لفلوس هذي بش تعوظلنا الخدمة حالا معنا يا شعب زيد أرقد و ارتاح) . كارو كمل باع الشعب فرد مرة راهو جابلو سوم عالمي: شعبنا صفقة رابحة ماداموا يسمع لكلام وديمة راقد ومايقلقو شي ويصدر كل شي للغرب (حتى الثورة صدرها و ماعملهاش). أيا شكون يشري شعب للبيع ،يا ج 8 اعطيو سومكم
!!!
تونسية بڤلبي
[…] اتك اتك عمك السبسي قاعد يتكتك : Nawaat de Tunisie – Tunisia. […]
يعطيك الصحة على خفة الروح إلي تحفتنا بيها يلزم سي الباجي يقرا مقالاتك فماش ما يحشم على روحو
Bravo pour ce ton ironique, on a beaucoup de plaisir à lire tes contributions.
حكايتك ياسر خايبة و ما فيها حتى مستوى
C’est tout a fait normale qu’il y’a tant de doute apres la crise de confiance installé par la politique de division mené par ben machin(divisé pour mieux régner ) tout ça ce n’est pas le fait d’un hasard ses sionistes arabes ont bien fait leur boulot puisqu’ils ont jouer sur le long therme,le pari a été bien gagner pour revenir au bon vieux temps il faut du temps et surtout beaucoup de méfiance sans tombé dans le piège de la paralysie,le pari des tunisiens n’est pas facile a atteindre car il y’a beaucoup hypocrisie et le peuple n’a aucune expérience démocratique donc ce n’est pas pour demain le bout du tunnel.
Concernant MR sebssi il aurai pu s’acharner sur quelques un de la liste des escros avec tout les procédures judiciaires possible il ramena plus que 25 milliard et n’aura pas besoin de faire la manche et gardera son honneur et sa fierté pour lui et pour les tunisiens,je pense si sebssi et de mauvaise fois avec tout le respect qu’on lui dois car il nous fait vivre sur les effets d’annonces et mène une politique de mic Mac:
Tunisiens vous êtes TRES TRES loin du but car il n’ya pas les bonnes personnes au bon endroit,
Vous avez affaire a des gens incompétent qui parle pour ne rien dire sans aucune expérience en plus ils regardent derrière eux car ils ont encore peur…il faut encore et encore beaucoup de temps plus que donner du temps au temps malheureusement…!
Allah Yarham Mohamed Galbi , kan youmkin yaatina bakou harabich min indou .
Il ecrivait de cette maniere Le Regrette Mohamed Galbi pendant les annees 70 , sur le journal Achchaab , journal de L’UGTT , c’etait le beautemps de L’UGTT , c’etait le SOLIDARNOCH , de la Tunisie , mais pas avec ce Jrad qui ne vaux meme pas une JRADA (SAUTERELLE ) .
beau article , tres amusant meme avec des piquures , style unique , au moin pour l’instant. priere d’ecrire plus de cette maniere j’aime lire ce que t’a ecrit et t’ecriras dans le future , j’esperte.
cordialement et patriotiquement
wild el bled
sahranliwahdi1@yahoo.com
This is great! HAYLA HAL TA9TOU9A… J’ai vraiment rien a dire! Just que ce style est relaxant! On a besoins de ce style un peut plus pour qu’on regagne notre perspective! Merci!