Tounsya Bgualbi

Tounsya Bgualbi

Tunisian activist Against censorship and dictatorship

13 جوان 2011
نحب نحكي ليوم على “كلمتنا” الوقفة الاحتجاجية إلي تعملت قدام رابطة حقوق الانسان في شارع محمد الخامس لبارح( إلي قالو 2000 راهم جايين وماجاو كان 200 تقريباً) ونحب نسال الشعب التونسي العظيم :ماعادش عندك كلمة؟؟ما عادش عندك ما تقول ؟؟ حققت إلي تحبو الكل م “الثورة “؟؟ إي عندك ألحق حتى نحنا ولينا نعيشو في ديمقراطية شي […]
10 Jun 2011
بعد أحداث 14 جانفي اعتقدنا بسذاجة المبتدئين باننا اقتلعنا الفساد وازلامه وضمنا الحريات وحققنا الديمقراطية، لكن الطريق إلى الحرية طويل وشائك و الأعداء لا يحصون ولا يعدون والأعتى من ذلك هو اننا نواجه المجهول الذي يتفنن في قمعنا واسكات أصواتنا. حان الوقت لنتكلم ،حان الوقت لنبلغ أصواتنا ،حان الوقت لنوصل صوت الشهيد الذي دفع دمه لنتنفس الحرية . كلمتي هي لا للظلم لا للقمع ،نعم للمحاسبة والوفاء بالوعود ،نعم لضمان الحقوق والحريات. إذا كانت كلمتي هي كلمتك ،فموعدنا يوم السبت 11/06/2011 على الساعة 15 في ساحة حقوق الانسان بشارع محمد الخامس لنوصل كلمتنا.
04 Jun 2011
نحب نعمل حوصلة صغيرة للي صار في تونس في الستة شهر الاخرى من نظري انا بيانسور باستعمال مصطلحات الثورة لوووول(نعرف النظرة متاعي ما هاش بش تعجب برشة عباد). قبل ديسمبر تونس كانت بلاد مثالية بالكذب والتبلعيط ،كان كل شي لاباس: الاقتصاد في نمو غير مسبوق ،الديمقراطية عاملة مسد ،الحريات محترمة شي كبير حتى بلامارة خلقنا حريات جديدة هههه […]
30 ماي 2011
الايامات هذي كثرت حبوب الهلوسة من عند الحكومة ،كل يوم حريبشة جديدة :هاو انفلات أمني ،هاو فرار مساجين هاو القاعدة الحاصل الشعب ما عاد فاهم شي ومع عادش مركز مع إلي قاعد يصير برسمي على الساحة السياسية.وتوا بدات تظهر النية المبيتة من هالفيلموات الهوليوودية الكل،هام طلعولنا بطلعة تأجيل الانتخابات بتعلات تقنية واهية ،قالك الهيئة ماتنجمش تعمل الانتخابات في الوقت الضيق ألي مازال ،هو كي تجي تشوف عندها ألحق على خاطر الحكومة عملت مجهودات جبارة بش تأجل الانتخابات ومانجمش نلومها على خاطر الكرسي حلو وكيف تتوفرلها فرصة بش تزيد تقعد فيه 5 شهر أخرى تعمل المستحيل […]
17 ماي 2011
مرحبا بكم في تونس ما بعد ‘الثورة ‘ (كلمة نستعملها باحتراز شديد)الحكومة المؤقتة إلي معمولة لتسيير الأعمال عملت عمايل في البلاد والعباد.الحاكم حاميها حراميها الحاصل حالا معنا لاقصى درجة
كان خلينا كالمكبوب بن علي خير.اجا نعمللكم حوصلة علي قاعد يصير : الحكومة المزفتة(مهاش مؤقتة على خاطرها ناوية توطن) هي الدكتاتورية الجديدة إلي تحكم فالبلاد ،إي نعم دكتاتروية،ياخي بجدكم تسخايلوها تنحات وولينا نعيشو في ديمقراطية وحقوق إنسان؟؟؟؟طز(كما يقول ملك ملوك سلاحف النينجا)