black-fire-logo

“بلاك فاير” هو واحد من الآلاف من ولاد الحوم اللي “مرفوتين من كامل معاهد الجمهورية” و المجتمع ما سامحاشي على خطأ ارتكبه في مراهقته الشاقة… خاطرك ما تنجمش تحاسب الأخلاق وقتلي النفس مقهورة و الڤلب دامي… ما تنجمش تتجاهل الفعل و تحاسب ردة الفعل… تتجاهل قمع البوليسية و تبليهم على خلق ربي و تحاسب العباد اللي تتشكى من المعاملة هاذي…

الفورمة:

الكليب عادي كيما كليبات الراب في غالبها… الفنان في الوسط و أصحابه (ولاد حومته) دايرين بيه و يغني في بلاصة باينة حومة شعبية…
الموسيقى سمفونية (كمنجة) موش الكترونية مع بركسيون متناسقة… الموسيقى هاذي هي المثال الحي للأنسترو متاع الڤانڤستا راب… توحيلك بالشر و الخطر و العنف…

من ناحية الفلوو، فما قدرة كبيرة من عند الفنان على استنباط القافية و هاذي نلاحظوها بوضوح ما بين الدقيقة 1:49 و 2:08 و القوي فيه هو قلب الجملة بالعكس باش تحافظ على الــ ريم مع المعنى كيما مثلا: “حرب على رواحكم حليتوا” اللي هي في الأصل تكون: “حليتوا على رواحكم حرب”…

الكلام الزايد ماهوش مطيش جزافا بمعنى إنه الكلمة هاذيكا و لو زايدة هي الوحيدة اللي توصل المعنى المقصود خاصة في نوع الراب هاذا…

الميساج:

فما كلام زايد في الپارولات ممكن تخدش الحياء… هاهم كلمات الغناية موجودين في الرابط هاذا وفي آخر الأرتيكل، و “العهدة على من ڤاله”…

الميساج باين و واضح من أول الغناية لآخرها بأنه موجه خاصة للبوليسية (العنوان) و عامة للسيستام الحاكم في البلاد (بقية الكلمات)…. نلاحظوا نقمة من أول الغناية بمقولة: “سلام.. ما نسلم عليك”، حيث الصراع وصل لحد تجاوز إلقاء التحية و المتمثلة في السلام بما هي ضد الحرب، يعني من أول الغناية فما إعلان حرب…

فما رجوع لأحداث الثورة، كيف كانت الداخلية تضرب في المواطنين بالكرتوش الحي و الڤاز، و هنا “بلاك فاير” يذكر في أعوان الأمن بأن ولاد الحوم كانوا يجابهوا في القمع البوليسي هاذا باستعمال أدوات بدائية و هي الحجر و في الدقيقة 1:00 : “إنت معاك الداخلية وانا معايا 3 حوم إبن سينا الكبارية و المروج سكتار السم” و مبعد : ” إنت اضرب بالكرتوش وأنا نضرب بالحجر”…

فما تفسير للكره البوليسي هذا من طرف الفنان، و التوضيح يجي في الدقيقة 1:41 كيف يڤول: “ياما سبيتونا قبل ياما ذوڤتونا السم جيت اليوم باش ننتقم باسمي و باسم ولاد الحوم للحبس ظلم هزيتوا قداش من أم بكيتوا”.. و هذا يعكس الغل و الغليل المسلط ضد رمز من رموز السلطة القمعية…

التعريج على زوز من مطالب الشعب في الدقيقة 2:00 :”الدستور كتبتوشي… حق الشهيد عطيتوشي” و هذا يعكس وعي أولاد الحوم بمطالب الشعب…
في أول الغناية فما برشا إيحاء ات جنسية مثلية لكن بالرجوع إلى المعنى الشعبي للمثلية الجنسية الذكورية نفهموا إنها تقصد المواقف أو ما يعبر عنه بــ “الرجلة” و “الرجولية” موش المعنى البرجوازي الثقفوتي…

في آخر الغناية نفهموا تشبث كبير في حرية التعبير: “مش مهم كان متنا المهم كان وصلنا صوتنا”… حالة توصل للموت المهم تكميم الأفواه لا…

مشينا قابلنا “بلحسن” في البلاصة اللي صور فيها الكليب و كان معاه الحوار هاذا:

دقيقة ثقافة:

ڤانڤستا راب:

هو نوع من أنواع الراب اللي يعكس نمط الحياة العنيف عند شباب الحوم… تعرف النوع هاذا في أمريكا في أول الثمانينات عند “آيس تي” و مبعد ولّى مشهور بالغنايات متاع “ان.دبليو.آي” و “بوڤي داون”…

الڤانڤستا راب يتعرف بالبارولات العنيفة و الأنسترو الكاسح…

في آخر التسعينات، ولى نوع الراب هاذا مرفوض في الأوساط الأمريكية خاطر العنف اللي فيه و الفنانين يدافعوا على رواحهم بأنهم ينقلوا في الواقع الموجود في حومهم…

في تونس، الڤانڤستا راب هو النوع الطاغي على الراب التونسي… نتفكروا غناية “فريد اكسترانخيرو” اللي اسمها “بوليس”…

دقيقة لوغة:

في كل بلاد، بعيدا عن اللوغة الفصحى، الدارجة تستعمل برشا مصطلحات ينجموا يكونوا تشبيهات و إلا إستعارات باش يسموا حاجة معينة… في الدارجة التونسية، عنا برشا تسميات للشرطة و منها:

باكوات: هاذي تسمية في عهد بورڤيبة، كانت تطلق على البوليسية خاطرهم كانوا يلبسوا شاپوات تشبه لباكوات الحليب في الوقت هاذاكا…

حنوشة: أصل التسمية يرجع للفعل و المظهر متاع البوليسية، خاطر “وحدات التدخل” تلبس في العادة اللون الأسود…

بايانك: هاذي تسمية في الجنوب التونسي تطلق على البوليسية…

ڤرودة: هذي تسمية جديدة أصلها وصف أطلقه رئيس حكومة سابق (الباجي قايد السبسي) على البوليسية وقتلي عملوا نقابة…

⬇︎ PDF

Inscrivez-vous

à notre newsletter

pour ne rien rater de nawaat

5Comments

Add yours
  1. 1
    Emine M'tiraoui

    فيما يتعلق بالقدرة العجيبة ما ننساوش اللي هو منقلها على فينيكس و كلامو يوفى بنفس ما أسميته قافية و اللي هي متاع فينيكس في غناية Dangereux fi ryoussna

  2. 2
    Tahar

    Bonjour,

    Mes connaissances en ce genre de musique sont maigres, sinon nulles, mais en lisant le texte de la chanson et l’analyse qui en est faite, je me mets à imaginer un autre souffle, celui de “l’insurrection qui vient”. Petite chanson, petit livre. Mais combien significatifs de la misère et de l’indigence politiques ambiantes et que dénonce à juste titre ce jeune rappeur par sa belle chanson. “L’insurrection qui vient” commence ainsi:

    “Sous quelque angle qu’on le prenne, le présent est
    sans issue. Ce n’est pas la moindre de ses vertus.
    À ceux qui voudraient absolument espérer, il
    dérobe tout appui. Ceux qui prétendent détenir
    des solutions sont démentis dans l’heure. C’est une
    chose entendue que tout ne peut aller que de mal
    en pis. « Le futur n’a plus d’avenir » est la sagesse
    d’une époque qui en est arrivée, sous ses airs d’extrême
    normalité, au niveau de conscience des premiers
    punks..”

    Voici le lien pour ceux qui voudraient continuer la lecture: http://www.bloom0101.org/pdf_Insurrection.pdf

  3. 3
    Grissa Aymen

    pour Black Fire , C’est Un Ami Proche depuis X-temps et je le connais bien , son style de Jeu est different de ce qui fait Phénix normalement , son style de parole proche un peu au style de Klay BBj mais dans tous les cas il a deja inventé son stylo et son style de jeu quand-meme , Message trop clair et pour moi la , les policiers ont deja ouvert un porte devant la guerre mediatique . Bravo BLACK-FIRE

  4. 4
    Amine

    Vous êtes sûrs qu’on parle d’art et de musique là?

    D’accord on est pour la liberté d’expression et la liberté de créer mais je ne trouve pas que toute cette vulgarité soit vraiment nécessaire.

    “Je te mets de l’huile dans ton **** et je t’en****” ??

    C’est vrai le message est fort et il n’y a pas plusieurs façon de le dire…

    ..de nos jours, on se met à défendre n’importe quelle oeuvre sous pretexte de défendre les libértés. On trouve plus facile de défendre ceux qui font un travail lamentable plutôt que de leur dire qu’ils sont en train d’entâcher l’image de notre société (plus qu’elle ne l’est déjà) et de corrompre l’esprit de notre jeunesse.

    De nos jours (et quand je dis de nos jours, je veux dire après la révolte du 14 Janvier 2011), on a peur de dire non à une quelconque liberté aussi nuisible soit-elle pour notre société, sous pretexte que ça ouvrira de nouveau la porte à la dictature. Je vous demande juste de re-regarder le clip et de vous poser la question. Est-ce que vous voulez que notre jeunesse (et j’en fais partie) ressemble à ça?

    Je suis contre toute sanction aussi légère soit-elle pour ce genre de travail mais je ne veux pas non plus que ces individus soient traités comme des héros. Si on veut éviter le retour de la dictature, on doit être responsables même en ce qui concerne nos goûts musicaux. Et je pense que là, on a mis la barre trop bas…

    J’ai pris le temps d’écrire ce commentaire sans être aggressif ni choquant. Alors j’espère que ceux qui s’opposent à moi auront la gentillesse de répondre de façon constructive.

    Merci.

  5. 5
    Tahar

    @Amine

    Bonjour,

    Votre commentaire est plein de bon sens, d’autant que que vous dites que vous êtes “contre toute sanction aussi légère soit-elle pour ce genre de travail…”. Le problème avec votre bon sens, c’est que vous appelez à faire le tri dans les oeuvres musicales, et certainement littéraires, cinématographique, etc… et ce au nom de la responsabilité. Or dès qu’il y a tri, il y a risque de censure. Il y a risque aussi de marginaliser ou d’occulter des oeuvres de “bonne qualité”. Et de ce fait, il vaudrait mieux éviter d’institutioonaliser le tri et ce afin de barrer la route à toute censure et à l’auto censure, quitte à voir surgir des oeuvres de “mauvaises qualité”. Et puis, vous savez, les goûts et les couleurs…

Leave a Reply to Tahar Cancel reply

Your email address will not be published. Required fields are marked *